ਰਜਿ: ਨੰ: PB/JL-124/2018-20
RNI Regd No. 23/1979

ਦਿੱਲੀ ’ਚ ਆਇਆ ਓਮਿਕਰੋਨ ਦਾ ਪਹਿਲਾ ਕੇਸ, ਦੇਸ਼ ’ਚ 4 ਦਿਨਾਂ ਵਿੱਚ ਓਮਿਕਰੋਨ ਦੇ 5 ਮਾਮਲੇ
 
BY admin / December 05, 2021
]ਨਵੀਂ ਦਿੱਲੀ, 5 ਦਸੰਬਰ, (ਯੂ.ਐਨ.ਆਈ.)- ਮੁੰਬਈ ਅਤੇ ਜਾਮਨਗਰ ਤੋਂ ਬਾਅਦ ਹੁਣ ਦਿੱਲੀ ‘ਚ ਓਮੀਕਰੋਨ ਦਾ ਪਹਿਲਾ ਮਾਮਲਾ ਸਾਹਮਣੇ ਆਇਆ ਹੈ। ਦਿੱਲੀ ਦੇ ਸਿਹਤ ਮੰਤਰੀ ਸਤੇਂਦਰ ਜੈਨ ਨੇ ਕਿਹਾ ਕਿ ਸੰਕਰਮਿਤ ਵਿਅਕਤੀ ਤਨਜਾਨੀਆ ਤੋਂ ਆਇਆ ਸੀ। ਹਵਾਈ ਅੱਡੇ ‘ਤੇ ਜਾਂਚ ਤੋਂ ਬਾਅਦ ਦੱਸਿਆ ਗਿਆ ਕਿ ਉਹ ਓਮੀਕਰੋਨ ਨਾਲ ਸੰਕਰਮਿਤ ਸੀ। ਉਨ੍ਹਾਂ ਨੂੰ ਦਿੱਲੀ ਦੇ ਐਲਐਨਜੇਪੀ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ ਹੈ। ਇਸ ਤੋਂ ਪਹਿਲਾਂ ਸਨੀਵਾਰ ਨੂੰ ਗੁਜਰਾਤ ਦੇ ਜਾਮਨਗਰ ਵਿੱਚ ਓਮਿਕਰੋਨ ਸੰਕਰਮਿਤ ਪਾਇਆ ਗਿਆ ਸੀ। ਇਸ ਦੇ ਨਾਲ ਹੀ, ਮੁੰਬਈ ਅਤੇ ਬੈਂਗਲੁਰੂ ਵਿੱਚ ਓਮਿਕਰੋਨ ਦੇ ਕੇਸਾਂ ਸਮੇਤ, ਦੇਸ ਵਿੱਚ ਇਸ ਵੇਰੀਐਂਟ ਦੇ ਕੁੱਲ 5 ਸੰਕਰਮਿਤ ਪਾਏ ਗਏ ਹਨ। ਵਿਦੇਸ ਤੋਂ ਪਰਤੇ 12 ਲੋਕਾਂ ਨੂੰ ਐਲਐਨਜੇਪੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਅਤੇ ਉਨ੍ਹਾਂ ਦੇ ਨਮੂਨੇ ਜੀਨੋਮ ਸੀਕਵੈਂਸਿੰਗ ਲਈ ਭੇਜੇ ਗਏ ਸਨ ਜਿਸ ਦੀ ਇੱਕ ਓਮਿਕਰੋਨ ਨੇ ਪੁਸਟੀ ਕੀਤੀ ਹੈ। ਸੰਕਰਮਿਤ ਨੌਜਵਾਨ ਤਨਜਾਨੀਆ ਤੋਂ ਆਇਆ ਸੀ। ਸਨੀਵਾਰ ਨੂੰ ਓਮਿਕਰੋਨ ਦੇ ਦੋ ਮਾਮਲੇ ਸਾਹਮਣੇ ਆਏ, ਗੁਜਰਾਤ ਦੇ ਜਾਮਨਗਰ ਵਿੱਚ 72 ਸਾਲਾ ਓਮੀਕਰੋਨ ਸੰਕਰਮਿਤ ਪਾਇਆ ਗਿਆ। ਇਸ ਦੇ ਨਾਲ ਹੀ, ਸਾਮ ਨੂੰ ਦੱਖਣੀ ਅਫਰੀਕਾ ਤੋਂ ਮੁੰਬਈ ਪਰਤਿਆ ਇੱਕ ਵਿਅਕਤੀ ਸੰਕਰਮਿਤ ਪਾਇਆ ਗਿਆ। ਦੱਖਣੀ ਅਫਰੀਕਾ ਤੋਂ ਇਹ ਵਿਅਕਤੀ ਦੁਬਈ ਦੇ ਰਸਤੇ ਦਿੱਲੀ ਆਇਆ ਅਤੇ ਉਥੋਂ ਮੁੰਬਈ ਪਹੁੰਚ ਗਿਆ। ਇਹ 25 ਨਵੰਬਰ ਨੂੰ ਕੋਰੋਨਾ ਵਾਇਰਸ ਨਾਲ ਸੰਕਰਮਿਤ ਪਾਇਆ ਗਿਆ ਸੀ ਅਤੇ ਹੁਣ ਇਸ ਵਿੱਚ ਇੱਕ ਓਮਾਈਕ੍ਰੋਨ ਵੇਰੀਐਂਟ ਪਾਇਆ ਗਿਆ ਹੈ। ਫਿਲਹਾਲ ਇਸਨੂੰ ਕਲਿਆਣ ਡੋਂਬੀਵਲੀ ਕੋਵਿਡ ਕੇਅਰ ਸੈਂਟਰ ਵਿੱਚ ਰੱਖਿਆ ਗਿਆ ਹੈ। ਇਸ ਦੇ ਨਾਲ ਹੀ ਪਿਛਲੇ ਹਫਤੇ ਦੋ ਮਾਮਲੇ ਸਾਹਮਣੇ ਆਏ ਸਨ। ਇਨ੍ਹਾਂ ਵਿੱਚ ਇੱਕ 46 ਸਾਲਾ ਡਾਕਟਰ ਅਤੇ ਇੱਕ ਦੱਖਣੀ ਅਫਰੀਕੀ ਨਾਗਰਿਕ ਸਾਮਲ ਹੈ। ਸੰਕਰਮਿਤ ਡਾਕਟਰਾਂ ਨੂੰ ਕੋਰੋਨਾ ਵੈਕਸੀਨ ਦੀਆਂ ਦੋਵੇਂ ਖੁਰਾਕਾਂ ਮਿਲੀਆਂ ਸਨ।